What\\\'s up?

Keflavík... Here I come!!!

Thu, 26 Jul 2007 10:56:47 GMT

Komið þið sæl!
WOW hvað það er langt síðan ég hef bloggað hér.. Helga er nú búin að vera aðeins duglegri en ég en ég bara hreynlega hef bara ekki nennt að blogga fyrr en nú.. ég er búin að gera margt í millitíðinni eins og að verða líffræðingur, sækja um master og komast inn í hann, vinna, fara í geggjað staffapartý, sofa, kíkja á kaffihús, fara á systrakvöld og margt fleira...
En helstu fréttir svona í dag eru þær að ég og Marinó erum búin að fá íbúð... LOKSINS!!! Ég sótti um hjá Keili uppá velli þar sem að stúdentagarðarnir hér í Reykjavík færðu mig bara aftar og aftar á listann sinn. Og viti menn! Ég fékk íbúð þar bara nánast strax! Ég er ótrúlega glöð! Held þetta verði geggjað að vera þarna. 95 fm íbúð með uppvöskunarvél, þvottavél, þurrkara, baðkari, 2x geymslur, 2 svefnherbergi, fríar rútuferðir til og frá skóla nokkrum sinnum á dag... Allt þetta á rétt rúmlega 50 þúsund kall!!! Meðan ég myndi fá rúmlega 50 fm íbúð í stúdentagörðunum hér heima á 54 þúsund kall.. Engin þvottavél í íbúðinni né þurrkari. Ekki uppvöskunarvél. Bara eitt herbergi og næstum helmingi minni íbúð.... En á móti kemur staðsetningin... Hvort er betra...?? Hmmm... Mjög margir kostir á Keflavíkur íbúðinni en aðeins einn ókostur og það er náttúrulega hvað þetta er langt frá Reykjavík.. Margir ókostir á Rvk íbúðinni en eiginlega bara einn kostur... + það er ekki búin að fá úthlutaða íbúð þar.... Held að valið sé ekki erfitt...
Þannig að ég er ótrúlega ánægð að vera komin með húsnæði og leigusamningurinn byrjar 15. ágúst þannig að það er bara að koma að þessu.. Byrjuð að hugsa hvernig ég vil innrétta og svona... Hlakka til að hengja upp öll málverkin mín sem ég hef safnað um ævina.. Bjóða fólki í mat, bjóða fólki heim í chill, bjóða fólki að gista - eða beisiklý að gera það sem mér dettur í hug!!! :-)
Annars er ég að fara á ættamót með Marinó um helgina og það verður einhversstaðar í Hvalfirði.. En við verðum líklega bara þar á laugardaginn og förum um kvöldið.. Svo er bara vinna, vinna, vinna til að borga upp Tælandsferðinna góðu og eiga fyrir HÚSALEIGU!!! :-D

Þá er að halda áfram að vinna...

Later...

Ragz

Pearl og Will Ferrell

Wed, 27 Jun 2007 00:41:14 GMT

Það er komið nýtt myndband með Will Ferrell og Pearl. Mér finnst það algjör snilld alveg eins og það fyrra. Ég er ekki nógu klár í tækninni og kann ekki að setja inn myndband hérna, en ég hendi inn linkunum þannig að þið getið kíkt á þetta. Bara fyndið :haha:

Nýja myndbandið "Good Cop, Baby Cop":
http://funnyordie.com/videos/33f2687080

Gamla myndbandið "The Landlord":
http://www.funnyordie.com/videos/74

Önnur prinsessa fædd

Tue, 19 Jun 2007 22:42:41 GMT

Helena María vinkona eignaðist sæta stelpu í gær. Ég sem var alveg klár á því að þetta væri strákur :o Hjartanlega til lukku Helena og Gummi, þetta er það besta í heimi :haha:

Ég stal þessu af síðu hjá félaga. Það væri gaman að sjá einhver svör ;)

1. Miðnafnið þitt:
2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Dirty or Clean:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndiru bakka mig upp í slagsmálum?
12. Myndiru þaga yfir leyndarmáli ef það skipti mig máli?
13. Besta minningin þín um okkur?
14. Myndir þú gefa mér nýra?
15. Segðu eitthvað skrýtið um þig:
16. Myndir þú hugsa um mig ef ég væri veik/ur?
17. Getum við hist og bakað köku?
18. Hefuru heyrt kjaftasögu um mig nýlega?
19. Talaru eða hefuru talað illa um mig?
20. Finnst þér ég góð manneskja?
21. Myndir þú kerya með mér hringinn í kringum landið?
22. Finnst þér ég aðlaðandi?
23. Hverju myndiru vilja breyta í mínu fari?
24. Í hverju sefuru?
25. Kæmiru í heimsókn af tilefnislausu, bara til að chilla?
26. Myndir þú koma á stefnumót ef ég myndi bjóða þér?
27. Ef ég ætti einn dag ólifaðann, hvað myndum við gera?
28. Ætlaru að setja þetta á þína síðu svo ég geti fyllt þetta út?

Langt síðan síðast...

Tue, 19 Jun 2007 19:30:27 GMT

Nú er ég búin að trassa þetta blogg síðustu daga. Það hefur líka verið nóg að gera.

Ég stóð sveitt í bakstri fyrir helgina þar sem við systurnar vorum að baka fyrir útskriftarveisluna hennar Rögnu. Veislan var ekkert smá flott og það vour fullt fullt af kökum. Það hefði verið hægt að halda aðra eins veislu með afgöngunum. Ragna var ekkert smá glæsileg í upphlut frá Rögnu ömmu. Upphluturinn er með bleikri skyrtu og bleikri svuntu sem fór Rögnu alveg einstaklega vel. Ragna amma var líka á landinu og í veislunni svo þetta var alveg frábært. Hún var líka mjög stolt af nöfnu sinni eins og hún kallar hana.

Mamma kom svo heim á sunnudaginn frá Ameríkunni. Hún var ekki að ýkja þegar hún sagði að hún væri með fulla ferðatösku af fötum og dóti handa Heiðari Darra 8| Ég á enn eftir að koma öllu dótinu heim og það er eins gott að ég finni pláss fyrir allt saman!

Mig langar til að benda ykkur á snilldarvef með slóðinni www.bifhjol.is sem er síða sem Haukur er að setja upp. Þarna er hægt að setja inn smáauglýsingar, kaupa varahluti í hjól, sjá nýjustu fréttir úr mótorhjólaheiminum á Íslandi og fullt fleira. Rosa flottur vefur og kallinn svo sniðugur að koma með svona síðu :haha: Endilega tékkið á honum.

Nú er bara undirbúningur fyrir næstu veislu sem verður á sunnudaginn þegar sonur minn gengur inn í samfélag kristinna manna. Nú rukka ég Rögnu sys um baksturinn og við stöndum áfram sveittar við ofninn :lol:

Náði prófinu

Thu, 14 Jun 2007 22:16:32 GMT

Bara koma með smá updeit. Ég náði bóklega, ég er ekki enn búin með prófið þó þar sem ég þurfti að klára bóklega hlutann áður en ég byrja í verklega. Ég hef samband við kennarann á morgun svo ég get þá vonandi byrjað strax eftir helgi. Nú byrjar fjörið fyrir alvöru ;)

Hérna er svo myndband sem Ari félagi sendi mér. Þetta er alveg ótrúlegt hversu mikið er hægt að breyta einni mynd. Þetta verður allt önnur manneskja.
Eitt er alveg víst, ég væri alveg til í eitt stk svona forrit í tölvuna mína.

http://pandachute.com/videos/photoshop_body_makeover

Læri læri læri

Thu, 14 Jun 2007 00:06:31 GMT

Núna er ég loksins búin að lesa bifhjólabókina. Ég er búin að taka mér allan daginn í það að læra undir þetta blessaða próf og rétt byrjaði að lesa bókina um kl. 20 í kvöld. Það er naumast hvað maður getur ýtt hlutunum á undan sér og verið mikill trassi... 8|
Mér líður samt eins og hausinn á mér sé að fara að springa eftir að hafa troðið allri þessari auka vitneskju þarna inn. Nú kemst ekkert meira fyrir og það er eins gott að ég nái prófinu á morgun, þá get ég byrjað að eyða út af minninu aftur :klikk: Krossa putta! 8)

Ragna kom heim í gær og mikið er gott að fá litlu sys aftur heim. Ég er búin að sakna hennar rosalega, við erum svo tæt jú nó ;)
Á stefnuskrá á morgun eftir próf og á föstudag er bakstur. Ragna er að fara útskrifast á laugardaginn og við systurnar þrjár ætlum að standa sveittar í bakstri. Það verður sko gaman að mæta í veislu á laugardaginn með allri famelíunni og fagna þessum stóra áfanga með henni.

Ég er ekkert smá stollt af henni:!: Til lukku Ragna mín...

Merkisdagurinn 11.júní

Tue, 12 Jun 2007 00:30:13 GMT

Dagurinn í dag er mikilvægur og góður dagur fyrir mig. Þetta er afmælisdagurinn minn, en í dag varð ég tveggja ára. Í dag eru tvö ár síðan ég hætti að drekka. Mér finnst ótrúlegt að skrifa þetta svona því þegar ég var að hætta drekka átti ég erfitt með að halda mér edrú eina helgi. Færlsan í dag verður í anda þessa dags.
Margir vinir mínir og fólk sem þekkti mig fannst ég ekkert drekka mikið eða taldi þetta ekki mikið vandamál hjá mér. En ég var líka snillingur í því að fela hvernig mér leið. Það skipti ekki máli hvað ég gerði á fylleríum, hvort ég "gerði eitthvað að mér" eða ekki, þá leið mér alltaf illa eftir á. Það skipti svo ekki máli hvað var í gangi hjá mér, allt var tilefni til að detta í það. Hvort sem ég var hress, ekki hress, átti afmæli, hinn átti afmæli, prófin að fara byrja, í prófum, búin í prófum, sumarið að koma, sumarið komið eða hvað sem er, allt var tilefni. En svo í þynnkunni og móralnum næstu daga, ætlaði ég sko að taka pásu, en aldrei tókst mér að taka þessa blessuðu pásu. Alltaf að reyna stjórna drykkjunni, eða eins og stendur í AA bókinni:

"Við höfum reynt að drekka eingöngu bjór, drekka takmarkaðan fjölda drykkja, drekka ekki einsömul, drekka aldrei á morgnana, drekka bara heima, eiga aldrei áfengi heima, drekka aldrei í vinnutíma, drekka bara í veislum, skipta frá viskíi yfir í koníak, drekka bara léttvín, við höfum samþykkt að segja upp í vinnunni ef okkur yrði á að mæta þangað drukkin, við höfum reynt að fara í ferðalag, reynt að fara ekki í ferðalag, lofað að hætta að drekka (með og án heitstrengina), prófað að stunda líkamsrækt, lesa uppbyggjandi bækur, fara á hressingar- og eða heilsuhæli, láta vista okkur á stofnun - og við gætum endalaust bætt við þennan lista"

Þetta á svo þokkalega vel við mig. En blessunarlega, akkúrat fyrir tveimur árum lenti ég á versta fylleríinu mínu og þegar ég vaknaði áttaði ég mig á því að ég væri bara alls ekki mannekjan sem ég vildi vera og að líf mitt væri ekki á réttri braut. Þá bað ég um hjálp. Ég hef ekki smakkað dropa af áfengi síðan. Sem betur fer!
Ég veit það líka, að hefði ég ekki gefist upp þennan dag, þá hefði ég ekki kynnst Hauki mínum, ætti ekki Heiðar, ætti ekki svona gott heimili og væri ekki í svona góðu sambandi við fjölskyldu mína. Ég er svo þakklát fyrir lífið mitt í dag.
Það var rosalega erfitt að gefast upp 11.júní 2005 en það er án efa það besta sem ég hef gert.

out....

Sunnudagur

Mon, 11 Jun 2007 00:57:07 GMT

Já, ég skulda núna þrjár færslur. Samt sem áður finnst mér þetta alveg ágætis afrek hjá mér og ég verð að viðurkenna að mér finnst þetta alls ekki leiðinlegt, og ég er heldur ekki mikið feimin að pósta hérna því sem ég hef verið að bralla svona frá degi til dags. Ég nefnilega hef verið feimin að skrifa á internetið þar sem hver sem er getur lesið um mig og ég held að þess vegna hef ég ekki verið dugleg að blogga í gegnum tíðina. En ekki get ég sagt að þetta séu voða leyndarmál sem ég er að uppljóstra hérna á síðunni. Þetta er bara ágætis æfing fyrir mig.

Mamma kom ekki heim í gær sem þýðir að ég þarf að gefa fuglunum og vökva blómin í viku í viðbót. Það er bara brjálað að gera hjá henni að vinna þarna í Ameríkunni að hún mátti til með að vera lengur. Ragna er samt að koma heim á þriðjudaginn og ég er alveg jafn spennt að fá hana heim.

Ég er að fara í bóklega ökuprófið á fimmtudaginn. Nú er ég með bílpróf og því spyrja sig sumir núna "Hví er hún Helga skvísa að taka bóklega prófið aftur?" Jújú, svarið er einfalt, ég er að fara læra á mótorhjól. Ég grínast nú stundum með það að ef ég geri það ekki þá enda ég í skilnaði ;) en uss, Haukur má ekki vita að ég grínast svona!
En ég verð að segja ég hef haft um 2 vikur til að læra undir þetta próf og ég hef náð að lesa 20bls í bókinni. Það bendir allt til þess að ég muni lenda í tímaþröng. Hvernig ég komst í gegnum háskólanám veit ég ekki. Mér finnst mikið mál að lesa 100bls bók, ef hún er svo löng. Bókin er nú samt aðallega um vél mótorhjólsins, hvernig olían er mæld, hvernig bremsurnar virka osfrv sem etv skýrir margt.
Svo verður það nú svolítið skondið ef ég fell á þessu prófi þar sem ég er nú þegar með bílpróf. Ef ég fell ætli ég missi þá bílprófið??? :$

Tight like tigers!

Thu, 07 Jun 2007 20:23:44 GMT

Nú er mamma búin að vera á Flórída í mánuð og Ragz er búin að vera á Tælandi í þrjár vikur. Eins og þeir sem þekkja mig vel vita þá erum við mæðgur og systurnar þrjár mjög tæt.
Ég og keó (kristjana eldri sys) erum nánast búnar að vera samvaxnar við mjöðm síðustu vikur. Þetta hentar svo óskaplega vel þar sem við báðar erum "heimavinnandi húsmæður". Við erum búnar að vera duglegar að hanga á kaffihúsum bæjarins (nánast daglega) og við skelltum okkur jafnvel í eina lautarferð í sólinni með börnin.
En nú er mamma að koma heim á laugardaginn og Ragz kemur heim á þriðjudaginn. Mikið svakalega er ég farin að hlakka til að fá þær heim! Þetta er nú bara alveg orðið gott hjá þeim stúlkum, alveg kominn tími á að koma heim á klakann aftur. Það verður rosa gaman að fá hinn helming hópsins aftur heim... Líka að fá ferðasögur frá Rögnu þar sem hún er búin að vera ferðast um regnskóga Tælands og framkvæma einhverjar tilraunir ásamt restinni af útskriftarhópnum í líffræði. Hún hefur verið að senda mér mont-sms þar sem hún tilkynnir að hún hafi verið að kafa með hákörlum, skjaldbökum, Nemo og fleiri skemmtilegum sjávardýrum. Minnir óneitanlega á góðu ferðina okkar Ásu í fyrra til Ástralíu.

Talandi um ferðalög þá var Haukur að segja mér að fara skoða helgarferðir út fyrir okkur lille famelíuna. Hann greinilega kann vel á konuna sína og hvernig er best að kæta hana :lol: Honum líst vel á París, sem mér finnst æði. Þá auðvitað færi ég mig upp á skaptið og vil fara í viku, því ekki get ég farið til Frakklands án þess að fara til Lyon að heilsa upp á gömlu félagana. Oh það væri yndislegt... Ég er alveg farin að þrá að komast út, ég verð frekar mikið óróleg ef ég kemst ekki reglulega í flugvél!

En eins og staðan er núna, þá bara hlakka ég til að fá stúlkurnar mínar heim!:haha:

Nú er átak

Thu, 07 Jun 2007 01:19:16 GMT

Nú er komið fram yfir miðnætti og ég er að blogga. Þessi færsla telst sem færsla "gærdagsins" þar sem ég er ekki farin að sofa ;) Önnur færsla kemur á morgun og þá "skulda" ég tvær færslur. Mér finnst ég vera standa mig ótrúlega vel.

Ég veit ekki hvort þetta er einhver árátta hjá mér þessa dagana eða hvað. Ég er að ákveða að taka mig á með hluti sem ég hef verið að trassa. Bloggið er eitt þeirra. Ég hef sett upp mörg blogg í gegnum tíðina en alltaf verð ég löt og loka síðunni. En nú er átak.
Ég sat með sponsornum mínum á kaffihúsi í dag og ég ákvað að taka mig á í prógramminu, ég ætla að fara í gegnum sporin aftur. Þar er átak.
Ég sat svo aftur með systur minni á kaffihúsi í dag og við ákváðum að vera duglegar að fara á fundi saman. Þar er átak. Í þeirri sömu kaffihúsaferð ákváðum við að kaupa okkur kort í ræktina og styðja hvor aðra í því átakinu. Margir vita það að ég hef keypt mér mörg líkamsræktarkort í gegnum tíðina, verið dugleg að mæta fyrsta mánuðinn (ef svo lengi) - sem endar svo með því að þetta verður styrkur til stöðvarinnar um 3-4000kr mánaðarlega í ca 11 mánuði.

En ég er að segja ykkur það - nú er átak, nú er tiltekt. Ég er svo einlæg í þessu öllu saman og ákveðin, eins og í öll hin skiptin. En núna verður þetta öðruvísi ;)

Fötin skapa manninn...

Mon, 04 Jun 2007 18:59:52 GMT

Ég var alveg búin að gleyma því hversu mikil nautn er í því að versla sér ný föt. Váá, hvað mér finnst það gott :) Ég var ekkert búin að fara eftir að ég átti Heiðar, og meðan ég var ólétt reyndi ég að komast hjá því eins og ég gat að kaupa óléttuföt. Ótrúlegt hvað ég gat lifað af á fáum flíkum síðustu mánuðina. Það sem hélt í mér lífinu var kassinn inní geymslu með öllum fötunum mínum. Það var líka hátíð í bæ þegar ég komst fyrst í gallabuxur bumubulaus :haha: Síðan þá þá hafa fleiri og fleiri flíkur komið upp úr kassanum, yndislegt yndislegt :P
Svo átti ég afmæli í síðustu viku og fékk mjúka pakka frá bæði Hauki og Heiðari. Ég fékk jakka og veski frá Heiðari Darra og gallabuxur frá Hauki. Þeir hittu svona beint í mark.
Þá komst ég á bragðið aftur:!: Ég fór svo í Smáralindina seinna í vikunni og kom þaðan út nokkrum flíkum ríkari og nokkrum krónum fátækari. Það sama gerðist á laugardaginn, fór inn ætlaði að kaupa eina afmælisgjöf en kom út flíkinni ríkari. Þetta er nautn. Þetta er svona andleg fullnæging 8)

Pabbi sagði: "ég man það nú þegar þú vildir aldrei mjúka pakka" Það var þá og nú eru nýjir tímar.... oh hvað það er gott!

klikkaði á öðrum degi!

Sun, 03 Jun 2007 13:46:55 GMT

Vá, hversu slæmt getur þetta orðið! Ég bjóst ekki einu sinni við því að klikka á öðrum degi. En örvæntið eigi, því ef ég man rétt sagði ég 30x færslur á 30 dögum. Kannski koma bara inn tvær færslur í dag, hver veit ;)

Í gærkvöldi fékk ég frí, skildi strákana mína tvo eftir heima og skrapp út í 5 klst. Fyrsta skipti sem ég fer frá prinsinum mínum svona lengi. Ég hafði ekki hið minnsta samviskubit :haha: Honum leið vel hérna hjá pabba sínum og var steinsofandi þegar ég kom heim. Góðir félagar þar á ferð greinilega :)
Annars fór ég í afmæli til Bjargar og vorum við eintómar stelpur. Það var yndislegt! Björg var með góðar veitingar og nú er nýja uppáhaldið mitt jarðaber dýfð í súkkulaði. Hef ekki kunnað að meta það þar til í gærkvöldi greinilega. Kannski breytast bragðlaukarnir eftir meðgöngu??? En þetta var æðislegt kvöld og svo var hún Ása mín þarna, loksins er hún komin heim á klakann, gaman gaman.

Annars frétti ég í gær að Kalli Bjarni hefði verið tekinn með 2kg af kóki í tollinum... Hvað er það eiginlega?!

Ég kem örugglega með aðra færslu hérna inn á eftir 8|

out

ojojoj

Fri, 01 Jun 2007 23:47:23 GMT

Nú man ég alveg af hverju ég er löt að blogga... Ég var komin með langan texta hérna inn þegar allt dettur út. Oj hvað þetta kerfi er leiðinlegt. Haukur segir mér að ég eigi að skrifa fyrst inn í Word og kópera hingað yfir. Ekki læri ég af reynslunni, því ekki er ég að skrifa í Word núna.:klikk:
Í staðinn ætla ég að lýsa hér með yfir, eldsnöggt, að ég ætla að blogga hérna á hverjum degi í júní mánuði. Svona í tilefni þess að í dag er 1.júní, þá næstu 30 daga koma að minnsta kosti 30 færslur. Ef mér tekst það ekki, þá er það deginum ljósara að halda úti svona bloggsíðu er alls ekki fyrir mig. (Innskot frá Hauki: Ætlaru ekki að skrifa í Word núna, ætlaru bara að skrifa hraðar??? :$) En já eins og ég segi, ef þetta tekst ekki, þá formlega segi ég upp sem bloggari og tilnefni sjálfa mig sem landsins latasta bloggara.

Hvernig líst ykkur á þetta?

"The game is on" :haha:

Alveg satt...

Sun, 25 Mar 2007 21:25:08 GMT

Ég fann þetta á blogginu hjá Rakel vinkonu og varð bara að pósta þessu. Held að þetta sé bara heilagur sannleikur... Nú er ég sko að uppljóstra leyndarmálinu og strákar þið ættuð að geta náð í og haldið í hvaða gellu sem er ef þið vitið þessa hluti :D Stelpur ef þið eruð ekki sammála, þá endilega látið vita hér að neðan! Held samt að þið séuð sammála...

Versogú 8)

When a GIRL is quiet ... millions of things are running in her mind

When a GIRL is not arguing ... she is thinking deeply

When a GIRL looks at u with eyes full of questions ... she is wondering how

long you will be around

When a GIRL answers " I'm fine " after a few seconds ... she is not fine at

all

When a GIRL stares at you ... she is wondering why you are lying

When a GIRL lays on your chest ... she is wishing for you to be hers forever

When a GIRL wants to see you everyday... she wants to be pampered

When a GIRL says " I love you " ... she means it

When a GIRL says " I miss you " ... no one in this world can miss you more

than that

Life only comes around once make sure u spend it with the right person

Find a guy ..

who calls you beautiful instead of hot

who calls you back when you hang up on him

who will stay awake just to watch you sleep

Wait for the guy...

who kisses your forehead

who wants to show you off to the world when you are in your sweats

who holds your hand in front of his friends

who is constantly reminding you of how much he cares about you and how lucky

he is to have you

who turns to his friends and says, "That's her!! "

Fyrsti í fríi

Mon, 05 Mar 2007 10:47:16 GMT

Jæja, þá er komið að því. Ég er dottin í fæðingarorlof. Í dag er s.s. fyrsti dagur í fæðingarorlofi. Það er soldið skrýtin tilhugsun að ég muni ekki mæta í vinnuna næstu 10 mánuði. Þetta nýja ævintýri sem er að fara taka við hjá okkur verður svona 180° viðsnúningur á hinu daglega lífi. Það er ekki laust við að maður verði smá hræddur við framtíðina en auðvitað í bland við tilhlökkun en ég er viss um að það renni af mér um leið og ég þarf að takast á við nýja hlutverkið.

En hvað á ég að gera næstu 10 mánuði??? Ok, mæðurnar segja... “ þú hefur sko nóg að gera, þig mun sko ekki leiðast?” Ok, en allavega næstu 3 vikur þá? Ég vaknaði um kl. tíu í morgun og hvað á ég að fara gera svona á mánudegi meðan allir aðrir vinna??? Samkvæmt skipunum hinna reyndu á ég að taka því rólega. Það er nú auðveldara sagt en gert, þreytan er nú samt nógu mikil. Auðvitað kveiki ég bara á sjónvarpinu. Og ef ég á ekki eftir að verða húkt á B&B ( Bold and the Beautiful ) þá skal ég sko Hundur heita. Gott ef þessi spænska sápa verði ekki hlutur af mínu daglega lífi líka! Nei, vá.. þá má einhver henda mér utan í vegg :o

Leyndarmálið mitt er samt það að ég hef horft reglulega á Nágranna frá því ég var 13 ára. Nágrannar eru orðnir hluti af fjölskyldunni. Ég fór m.a.s. og heimsótti þá meðan ég var stödd í Ástralíu, og nú lýg ég ekki! Ég á myndir því til sönnunar og er stolt af því :lol:Mikið var það skemmtilegt. Ein ónefnd vinkona mín fór líka næstum því að gráta þegar óljóst var hvort við kæmumst að skoða Ramsey St.En svona er þetta bara... Maður velur sér ekki örlögin.

Kannski verð ég líka bara duglegri að blogga fyrst ég er hætt að vinna. En ég er löngu búin að læra það að vera ekki með neinar yfirlýsingar um það...

helgz